Санаи 28 ноябри соли 2023, дар шаҳри Душанбе дар доираи сафари Губернатори вилояти Свердловски Федератсияи Россия Куйвашев Евгиний Владимирович ба Ҷумҳурии Тоҷикистон Форуми соҳибкорони Тоҷикистону вилояти Свердловски Федератсияи Россия баргузор карда шуд. Форум бо сухани ифтитиҳоии Раиси Кумитаи давлатии сармоягузорӣ ва идораи амволи давлатӣ ва раиси вилояти Свердловски Федератсияи Россия оғоз гардида, ба иштирокчиён фазо, имконият ва соҳаҳои афзалиятноки ҳамкорӣ роҳандозӣ гардид. Қайд карда шуд, ки мақсад аз баргузории Форуми мазкур густариши ҳамкориҳои тиҷоратию сармоягузорӣ тавассути ташкили муколамаи озод байни соҳибкорону сармоягузорон ва дар ин замина дарёфти роҳҳои нави корӣ дар самти ташкили корхонаҳои муштарак ба ҳисоб меравад. Дар Форуми мазкур беш аз 100 намоянда аз ҳарду ҷониб, аз ҷумла роҳбарон ва масъулони вазорату идораҳо, соҳибкорону сармоягузорон ва намояндагони ширкату корхонаҳои соҳаҳои гуногуни фаъолияти хоҷагидории Тоҷикистону вилояти Свердловски Федератсияи Россия иштирок намуданд. Иттилоъ дода шуд, ки баргузории чунин чорабиниҳо ба рушди ҳамкориҳои иқтисодиву тиҷоратии байни минтақивӣ, баланд бардоштани нерӯи содиротӣ, ҷалби сармояву воридоти технологияҳои муосир ва тақвияти ҳамкориҳои дуҷонибаи иқтисодию сармоягузорӣ мусоидат менамояд. Дар доираи қисмати расмии рофум маросими санадҳои нави ҳамкорӣ дар соҳаи саноат ва рушди минтақаҳо баимзо расонида шуд. Инчунин дар доираи Форум вохӯрии раиси Вилояти Мухтори Кӯҳистони Бадахшон ва вилояти Суғд бо губернатори вилояти Свердловск анҷом дода шуда, ҷонибҳо ҷиҳати тақвияти ҳамкориҳои байниминтақавӣ ба мувофиқа расиданд. Иштирокчиёни Форум ба баргузории чорабинии мазкур баҳои баланд дода, ба ифоқа расиданд, ки минбаъд низ чунин ҳамоишҳои соҳибкоронро мунтазам баргузор менамоянд.
